'Rewşê Mahmutî qet weş nîyo'

2013-09-04 16:23:46

ENQERE (DÎHA) - Tirkîyayê her roj ke şona tade û zilmê dewletê tirk ser mehkûmên nêweşî de zaf bena. Mehkûmê nêweşî Mahmut Ozdemîr nêweşîya epîlepsîyê yo. Zîndanî de her roj nêweşîya xo ser, xo ra şona û dema xo ra şîyîşê de xape û polê xo şikyayo.  Mahmut Ozdemîr de nêweşîya epîlepsîyê est o.

Nika Zîdana Tipa H a Dîlokî de keko û pîyê xo pîya maneno. Seba averşîyîşa nêweşê Mahmutê ser kekoyê ey, malbatê xo ra name erşawito û nameyê xo dîyar kerdo ke rewşê Mahmutî qet weş nîyo û wina vat: "Nêweşîya xo ser roj ke de 3 rey xo ra şona û Doktorê ey vat ke; eke rewşê Mahmutê no rewşî de dewam bikero se, do Mahmut felc bibo û do dîyarê ya felcê Mahmutî de dest pê kerdo." Hewna rewşê Ozdemîr ser ema ey, Gulîstan Ozdemîr vat ke bila semede birazayê ey  zîndanî de maneno, ey peynî dema xo ra şîyîşê de xape û polê xo şikyayo û wina vat: "Nêweşîya Mahmutê ra cayê qefelnayî qet weş nîyo û no ser her tim nobed vîyareno û no ser ganî bêro serbest veradayişê." 
Mahmut hîna panc serrê bîyo, pîyê ey eştêy zîndanê û no ser Mahmut qet pîyê xo de pîya non nêverdo. Pîyê ey Abdullazîz Ozdemîr no 20 serro ke û kekoyê ey zî no 5 serro ke zîndanî de yê û sûcê înan zî 'endamê rêxistin bîyîş o' Mahmut Ozdemîr zî 22 qanune 2011'ê de de dema ageyrayişa karê de polêsan bi îdiaya 'endamê rêxistin bîyîş o' ey girewtêy binçimê û dadgeh zî ey erşawit o zîndanî. La belê nika Ozdemîr bê delîlê de zîndanê maneno. 
Keko û pîyê Ozdemîrê seba ke malbatê ey nêqehîrê yo, rewşa Ozdemîrê, malbatê ey ra nimitêy. La belê peynî averşîyîşa nêweşîya ey serr, kekoyê ey, Îdrîs Ozdemîr malbatê xo ra nameyê erşawit o. 


Rewşa Ozdemîr ser ema ey, Gulîstan Ozdemîr qise kerd û vat ke Mahmut nêweşîya epîlepsî yo û no ser ganî nêeşkeno zîndanî de bivinder o û wina vat: "Ma encax bi nameyê kekoyê ey, bi hesyayê ke rewşa Mahmutê aver şîyo. Keko û pîyê ey seba ke ma nêqehîrê yê, ma ra rewşê ey nimitîy. Ganî Mahmut bêro serbest veradayişê û eke nêro se serbest veradayişê do ey Homa nêko felc bibo. Birazayê min bila semed erşawitêy zîndanî, zatê birazeyê min nêweşîya xo ser nîşê lejkerê û raporê ey est o. Cayê qefelnaya zî nêweşîya ey averbeno." Ozdemîr dîyar kerd ke miyanî di serrê de panc rey cayê birazayê ey bedilnay û nînan ard ziwan: "Peynî birazayê min ardêy, hetê pîy û kekoyê xo. Birazayê min dema sere derencayê de nobed vîyart o û kewto ard, no ser xape û polê şikyayo. Yew rewşayê weş yew merdim nêeşkeno zîndanî de bimano û la belê birayê min her roj nobet vîyareno û ey senî zîndanî de bimano. Tirkîyayê de edelet çînyo, îcaba formalîteyê qanûnan virazenêy û la belê no qanûnan hewayê de manenêy. Ez heme şar û sazîyê Tirkîyayê ra seba hîsgêrîyê înan ra veng dona, ganî birazayê min bêro serbest veradayişê." 

(ad/mae)