Pawitox kuwayiş qanûnî yo!

2013-09-05 20:27:57

STENBOL (DÎHA) - Lijneya Berz ya Dozger û Dadgeran (LBDD) biryar da ke, pawitoxî zereyê daraznayişî de kuwayiş bi qanûn o. Pawitoxan semedê dawaya qirkerdişê sîyasî ya Stenbolî şopnayê. Cendermeyan herîşê pawitoxan kerd û pawitox Ercan Kanarî darp kerdîy û hemeyê pawitoxan vetîy teber. No hereketa bêqanûnî, LBDD gerekerdişê pawitoxan nêgirot dîqetî. 

Tarîxa 1 Êlule 2012 de 124 kesên bi girote bi temamî 205 kesên ke dawaya qirkerdişê sîyasî ra ameybî girotişî ame vînayiş ema, zaf bi tetirxanî ravêrabi.
Ey rojî de Dadgeha Giran ya 15'in de serek Alî Alçik, watişê pawitoxan ya bi soz waştişî qebûl nêkerd û waşt ke bi halê nuştişî bidê. Ney ser de pwt. Ercan Kanar mafê qisekerdişî waşt û ard ziwan ke lazimo ke bi teqez gere qise bikerê û vat: "Daraznayişên wina de ya muhîm oyo ke bi qiseyan biresê raşteyî. Eksê ci de no daraznayiş beno ze daraznayişê engîzîsyonî û pawiyayiş do bikûro tenganeyî."  

Serekê dadgehî Alî Alçik waşt ke bi zora lejkeran sîyasetmedarê kurd Aslan Îşçîoglu semedê ke 'bi israr qise kerdo ra bierzê teberê daraznayişî.

Pawitoxan biryarî ra îtîraz kerdîy. Pawitoxan odeya daraznayişî de çalakîya roniştişî kerdîy. cendermeyî sifte Pwt. Ercan Kanarî ra pey ra zî herîşê pawitoxên bînan kerdîy û hemeyan odeyî ra vetîy teber. Pawitoxan kerdişê cendermeyan nalet kerd û ey rojî nêkewtîy daraznayişî. Semedê ke serekê dadgehî temaşekerdoxan zî vetbi teber ra daraznayiş bê pawitox ame viraştiş.
Ney mijarî de pawitoxan serekê dadgehî Alî Alçik, encamê dadger kazim Kahyaoglu û Alpaslan Uz î heq de LBDDî gere kerdîy. Ema LBDD no hereketa dadgehî dijî qanûnî nêvîna û waştişnameyê gerekedişî nêgirot karnayişî.
LBDD ard ziwan ke taqtîrê darazî ra mendo. Hetê bînî ra herîşkerdişê pawitoxan 'tatdîra hakîmî ra mendo' vatîy. Pawitoxan ard ziwan ke daraznayişî gureye xo waştişan ardê ziwan.

(ad/mae)