Qirkerdişa Ulucanlar nêame vîrkerdişê

2013-09-26 13:51:29

EREN DÎNÇ 

ENQERE (DÎHA) - Qirkerdişa Ulucanlarê ser no demî de mehkûm Barbaros Yilmaz vat ke vîrkerdişa no qirkerdiş mumkûn nêyo, hewna Fatîme Akalin zî vat ke armancê dewletî no qirkerdişê de mehkûmên sîyasîyî merdîman ra serd kerdiş bî. 

Zîndana Ulucanlarî de hemverî şert, tade û zilmên îdareya zîndanî ser mehkûmên sîyasîyê serewedarnay û la belê hemverî no serewedartişî de zî 24 êlule 1996'ê de saetê şewî 02.00'ê de bi seyan polês û tîma taybetî berên maltayî şiknayî û hêrişê mehkûmên sîyasîyî kerdêy. Qirkerdişa Ulucanlarî ser Barbaros Yilmaz, qise kerd û vat ke no demî de bi taybetî qoguşên mehkûmên sîyasîyî zaf qelebalix bîy û hetta cayê çînî bikê, mehkûman xo ra rakewêy û wina vat: "Ma zî heme no pirsgirêkan ser hem Dozgerê Zîndanî û Îdareya Zîndanî de pêvînayiş kerd, la bi qetî ma ra verpers nêday û no ser ma zî bertek xo bi hûmarê nêdayişî de mojnay. Verî qirkerdişî de zî miyanê ma û îdareya zîndanî de heme ragîhandin birya. 24 êlule 1996'ê de saetê şewî 02.00'ê de bi seyan polês û tîma taybetî berên maltayî şiknayî û ma ra hêriş kerdêy. Lejkeran bi taybetî tay embazên ma, xo ra hedef girewt bîy. Embazên ma qirkerdîy. No demî de bi tay no polîtîkaya qirkerdişî Zîndanên Metrîs, Mamak û Amedî de kerdêy."  

Armanc tena verdayiş bi 

Hewna qirkirina Ulucanlar ser no demî ra şahîd Fatîme Akin, vat ke armanca dewletî no qirkerdişî de mehkûmên sîyasîyan merdîman dûr vistiş bî û nînan ard ziwan: "Lejkeran qoguşa cenîyan ra zî hêriş kerdêy, ma hemverî no hêrişî de zî bi barîkatan de xo pawitîy. Fermander emirê tacîz û teciwizî daynê lejkeran. Dewlet no demî de heme dorûvera muxalîfî ra hêriş kerdinê û mehkûmên nêweşî cayên leyminî ra sirgûn kerdê. Zatî no demî de Serekwezî Ecevît zî vatbî: 'Ma zîndanan ra bandûrê nêkerêy se, ma senî komelî ra bandûrê bikerîy." 

(ad/mae)