Ceylan nêno vîrkerdiş

2013-09-27 18:54:52

YASIN KOBULAN/MEHMET ŞAH ORUÇ

AMED (DÎHA) - Dewa Xambaza qezaya Licêya Amedî 28 êlule 2009'ê de Ceylan Onkol (12) dema sewalan çerênaynê, Qeraqola Yaylayî ra ser ey ra bombe ame eştîş û teqyayişa bombe ser bedena Onkolî parçe parçe bî. La belê no 4 serro ke cipersayişa Onkolî de qet yew averşîyîş çînya. Mijar ser pae Sazîya Mudirîya Kîmyewîya û Makîneyî (MKE) rapor hadre kerd bî û raporê xo de zî dîyar kerdbî ke bi bombeyê de cuyayişa xo vînîkerda. 4 nîsane 2013'ê de zî Serdozgerîya Komarê Licêyî heqî cipersayiş nêakerd û no ser zî pawitoxan dewayê Onkolî DMMEî ra berdêy. 
 
No seran serro ke Tirkîyayê de ciwan û gedeyên kurd ya polês ya zî cerdirmeyan qirkenêy û la heqî no kesan de zî çew dewa û cipersayiş nêakenêy. Eyni mijar dewaya Onkolî de zî est o.  Mijar ser Pawitoxa malbatê Onkolê Serdar Çelebî, vat ke qewimyayiş ser 4 serr vîyart, la belê hetanî nika qet yew belge destê dozgerî ra nêresayo û wina vat: "No cipersayişî de qet dozger aktîf nêbî, Onkol sewalan xo çerênaynê, la belê bombeya hawanî ame ay parçe parçe kerd. Ma hetanî verên ra zanaynê ke dozgeran bivazêy no sere no cipersayişê bigerêy. Dogeran cayê qewimyayişê nêşîyê û ser xo sere qewimyayişê girewtêy."

Çelebî, aşkera kerd ke cipersayişê bi biryara nimiteyî de asteng kerdêy û nînan ard ziwan: "Tirkîyayê pergala darazî xirap o û her tim qetilan pawiyeno. Sifteyin heqê dosyayan de biryara nimneyiş yena girewtişê û peynî zî dosyayan serd kenêy ke elaqaya kesan no dosyayan birnenêy. Dewlet Sûrîyeyê de şixulnayişa kîmyewî ser miyanê 24 saetê de belgeyan ason kerd û la belê dosyaya Onkolî de no 4 serro ke asonê çînyo û Roboskî de zî no 2 serro ke asonê çînyo. Hewna herêmê de serra 90'an de bi hezaran faela meçhulî de ame kiştiş. Dewlet pirsgirêka kurdî ra tersena û no ser sere no dosyayan gîna. Miyanî pirsgirêka pergalî est o. Hewna qewimyayişa Gezîyê de bi seyan ciwan ame qirkerdişêy."
Çelebî, dest nîşan kerd ke DMME bi seyan dosyayê de Tirkîya mehkûm kerd û wina qedna: "No rewş dîyar keno ke Tirkîyayê de darazî karê xo raşt nêkeno. No mijarê darazî ra hukûmat zî ardim bikero, çimkî yew dozger nêeşkeno ser xo no dosyayan çareser bikero."

Hewna mijar ser Maya Ceylan Onkolî, Salîha Onkol vat ke înan her tim peynîya no dosyayê veranêdêy û wina vat: "Ganî çew Ceylan vîrnêkero, eke bivazî se bidê vîrkerdiş, no dem ma her tim peynîya înan de bibêy. Elbet yew roj kesan bivejî û Tirkîyayê hesabê no bêedeletî bi persêy. Her tim vîra min ra Ceylan yena. Tirkîyayê edelet çînya. Eke edelet bibînêy heqî no dosyayê biryara nêşopnayişê nêameynê dayişî." 

(ad/mae)