Şima kurd nî yê, armenî yê!'

2013-10-25 19:03:35

EDENE (DÎHA) - Eteya (heka) mexdûrê Zîndana Pozantîyê Bayram Yildizi û Makbule Yildiz dîyar kerdîy ke êy seba zîyaretê zîndanî şîyê, la çi çax ke birayê xo dîyê, şok bîyê û wina vat: "Birayê min birîndar bibi û sareyê ey ra zî 4 heb kelên deştişî ameybîy eştiş. Birayê min ra dewam kerd vat ke herêma qina ey xo ra zî birîndar bîyo. Ma wazenîy ke seba aşkera bîyîşa birîndarbîyişê birayê min ser qeydên kamera dibistanî û rapora weşîyî biveja meydanî. Hewna polêsan birayê min bi îşliga gonî vetîy verê dozgerî û dadgerî." 

20 citmenge de maxdûrê Zîndana Pozantîyê Bayram Yildizi (19), polêsan bi îdiaya 'endamê rêxistinî' de genêy binçiman. Dadgeh zî ey erşewena Zîndana Tîpa F a Kurkçulera Edeneyî ra erşewenê. 

Rewşa birayê xo ser eteya maxdurê Zîndana Pozantîyê Bayram Yildizi, Makbule Yildiz agahî da û vat ke dema binçimê girewtişî birayê ey polêsan darp kerdîy û wina vat: "Birayê min Taxa Yenîpazara Edeneyî verê Verêndibistana Mîmar Sînanî de roşeno, no demî polêsan dorûverê ey genêy û no ser zî birayê min terseno û vazdeno. Peynî zî birayê min polêsan birayê min tepişenîy û genêy binçiman. Dema binçimê girewtişî zî polêsan birayê min kuwenîy. Peynî zî min şî polêsan ra vat ke; şima qey birayê min kuwenîy? La polêsan înkar kerdîy."

Yildiz aşkera kerd ke çi çax ke ay birayê xo dîya, şok bîya, çimkî sareyê birayê ey ra 4 heb kêlên deştişe çermî ameybî eştiş û nînan ra ard ziwan: "Birayê min qewimyayişê ser min ra vat ke: 'Dema ke polêsan min tepiştî, min erdî de de fekûrû dergê erdî kerdîy û bi lingan day minro. Min vat qey min bikişêy û no ser zî ez qîraya. Dema kutuşî polêsan min ra vatê; 'Şima kurd nê yê, armenî yê!' Ez Şamî de hetê Abdullah Ocalanî mend a û ez roxnowan o. peynî zî polêsan min nêweşxaneyî berdîy û min heme çik doktorê ra vatîy, la nêzani ke rapor nuşt o, nênuşt o. Polêsan min bi îşliga min ya gonî vetîy dozgerî û dadgerî gonî de vejnay."

Yildîz dest nîşan kerd ke birayê ey ra Zîndana Pozantiyî de dema vîyarteyî de îşkence kerdîybî wina qedna: "Ma wazenîy ke seba aşkera bîyîşa birîndarîya birayê min ser, qeydên kamera dibistanî û rapora weşîyî biveja meydanî. No ser zî ma ÎHDa Mersînî ra serpero dayê."

Mijar ser Sekreterê ÎHDa Mersînî Temîm Salmanoglu dîyar kerd ke înan bi taybetê gerrayan ser îşkenceyan ke binêçimê polêsan de yena kerdişî genêy û wina vat: "Ma hera bike no tarz îşkence nêameybî kerdişî. Ma peynîya rapora Bayram Yildizi bikewîy. Mijarê huqûqî de zî çi ganî bikero se, do ma bikerîy. Bi taybetê bala ma ont polêsan ey bi îşliga gonî de vetîy verê dozger û dadgerî. Ma meraq kenêy ke no mijarê dozger û dadgeran çi kerdîy. Ma hêvî kenîy ke dozger û dadgeran heqê Yildizi bipawîy." 

(ad/mae)