Ocaxa AKPî ra dara hêjîrê ronayê

2013-10-27 17:33:37

ÎZMÎR (DÎHA) - Qezaya Konaka Îzmîrî de dema vîyarteyî de rêxistinê sîvîlî, partîyê sîyasî û sendîkayan verê AKPa Konakî ra 5 heb leye ronaybî. La belê nêy leyan akpijan wedarnaybî. Hemverê no rewşî de zî rêxistinê sîvîlî, partîyê sîyasî û sendîkayan çalakî viraştîy. Çalakî de Verpirsîyarê KESKa Îzmîrî Ramîs Saglam qise kerd û vat ke înan nêzîkbîyîşa AKPî şermezar kenîy û wina vat: "Akpijan belkî 5 heb leyê ma qilaynayî, la ma ocaxa AKPî ra dara hêjîrê bironê."

Îzmîrî de dema vîyarteyî de rêxistinê sîvîlî, partîyê sîyasî û sendîkayan seba şermezarîya qirkerdişa darê ODTUyê verê AKPa Konakî ra 5 heb leye ronaybî. La belê nêy leyan akpijan wedarnaybî. Hemverê no rewşî de zî rêxistinê sîvîlî, partîyê sîyasî û sendîkayan seba şermezarê ser Alsancakte kombîy û hetanê verê AKPa Konakî ra meşîyay. Beşdarwanîy meşî dirûşmeyê 'Xoverdayişê xo bidomno ODTU, Îzmîr şima re hetkarî bidî', 'Qetil polês do hesap bido' û 
'ODTUê ra tena rayêrê şoreşî vîyarena' qiray. 

Çalakî de Verpirsîyarê KESKa Îzmîrî Ramîs Saglam qise kerd û vat ke înan nêzîkbîyîşa AKP û Şaredarê Melîh Gokçekî şermezar kenîy û wina vat: "Ez no ca ra dîyar kena ke kura de hêriş xozayêya hewzî ra bibo se, ma do bi ruhê Gezîyê de oca de bibîy. Akpijan belkî 5 heb leyê ma qilaynayî, la ma ocaxa AKPî ra dara hêjîrê bironê."

(ad/mae)