Şoforêy otobusî astengdaran ra 'astengî' vejenêy

2013-10-28 16:21:35

AMED (DÎHA) - Makeqanûna Tirkîyayî de astengdaran ra seba şîyîş û ameyişî, bê pere şîyiş û amayişê înan ra bi qerta astengdarî heq ameyo dayiş. La Amedî de şoforê otobusan astengdaran ra 'astengî' vejenêy. Mijarî ser de welatijê astengdar Mecît Turgay vat ke peynîya nêweşeya tûtey ra yo astengdar bîyo û wina vat: "Ez nêwaşta ke biba astengdar, zanîyeno ke heme kes zî endameke astendareke yo û no ser zî ganî her kes ma ra gereke rêz bimojnêy."

Mecît Turgay Baglara Amedî de ronişeno û tûteya xo de nêweşeya menenjîtî vîyarto û no ser zî lingêy ey de seyî ra 40'ê zî astengey mendo. Tirkîyayî de bi mekaqanûn heq dayê astengdaran ke şîyîş û ameyişê înan bê heq o. No zî bi qerta astengdarî ya otobozan beno. No ser zî Turgay no qertî de miyanê şaristanî de bi hawayê mafdar şikyeno bigeyro. 


Mijarî ser de Mecît Turgay dîyar kerd ke û dema ke nişeno otobosêy şarî benêy û anêy, ey ra heqeret kenîy û wina vat: "Min ra şoforêy otobusî bi qalanê xo heqeret kenîy; 'Kam no qert da to? Şima her tim beleş cuyenêy û hewna ti amey.' No vatişan de rûmeta min şikneno, no ser zî ray ray otobus vinderneni û otobusî ra peya beni. Ez peynîya nêweşîya menenjîtî astengdar mend a. Min nêwaşto ke ez astengdar biba, no ser zî ganî her kes ma ra wa rêz bimojnêy. Wa heme kes bizano ke her kes endameke astendareyî yo."

MijarÎ ser de Serekê sazîya Kooperatîfa Otobusên Şarî yê Taybet a Amedî Mehmet Pervana vat ke no mijarî de înan ra zaf gerre yenêy û wina domna: "Çi çax ke ma şoforan ra persenîy, xo bi heq vejenêy û no ser zî ma nêeşkenêy tespît bikerêy. Hemverê no rewşî de zî seba vergirewtişî ma do 1'ê teşrîne de heme otobusan de kamerey bi ca bikerêy." 

(ad/mae)