Dengdayînê dest pê kir


2015-11-01 07:45:19

ENQERE (DÎHA) - Gelên Tirkiyeyê di saetên serê sibehê ji bo parlamentoya serdema 26'emîn diyar bikin  diçin ser sindoqan. Dengdayînê li Kurdistan û bajarên Derya Reş sait di 16.00'an de li bajarên rojava jî saet di 17.00'an de bi dawî dibe. Piştî ku dengdayîn bi dawî bibe dê sindoq bên vekirin. Encamên hilbijartinan jî dê saet di 21.00'an de bên weşandin. 

Gelên Tirkiyeyê ji bo parlamentoya serdema 26'emîn diyar bikin dest bi bikaranîna dengan kir. Li bajarên Kurdistan û Derya Reş li 32 bajaran hilbijêr saet di 07.00'an dê dest bi dengdayînê kirin û li van bajaran dê saet di 16.00'an de dengdayîn bi dawî bibe. Li bajarên rojava jî dengdayînên saet di 08.00'an de destpêkir û heta saet di 17.00'an berdewam bike. 

Ji bo hilbijartinên 1'ê Mijdarê 54 milyon û 49 hezar û 940 hilbijêr hene. Di 7'ê Hezîranê de çûyîna radeya li ser sindoqan ji sedî 83.92 bû û ev radeya herî zêde ya di salên dawî bû. Li bendê ye ku radeya tevlibûna hilbijartinên 1'ê Mijdarê zêdetir be.  li aliyê din li derveyî welat radeya tevlibûnê gihîşt ji sedî 42.3'yan û li gorî 7'ê Hezîranê ji sedî 5,47 zêde bû.

Li derveyî welat dengdayîn bi dawî bû lê li gumrikan dengdayîn heta saet 17.00'an dê bidome.

Hilbijêr û çavdêr dê li ser sindoqan bin

Ligel gotinên Serokwezîr Ahmet Davutoglu yê "dê kes li ser sindoqan nesekine" û nivîsa fermî ya ji bo hin herêman hatiye şandin a "Oy ve otesî dê li ser sindoqan nemînin" jî hilbijêr û çavdêr lê tevahiya rojê li ser sindoqanbin. Li gorî YSK'ê  namzet û çavdêrên partiyên siyasî, namzetên serbixwe û çavdêrên wan dikarin bikevin qadên ku deng tên bikaranîn. 

Qedexeyên roja hilbijartinê

Ji bo roja hilbijartinê qedexeyan jî dest pê kir. Serê sibehê saet di 06.00'an de qedexeyên wekî "firota vexwarinên bi alkol" "girtina cihên kêfê" "jibilî peywidarên emniyetê çek negirtin"  dê heta saet 24.00'an berdewam bike. 

Radyo û hemû weşan heta saet 18.00'an dê têkîldarî hilbijartin û encamên hilbijartinan nûçe, texmîn an jî şîroveyan nikarin bikin. Di weşanan de saet di 18.00-21.00'an de ancax nûçe û teblîgên ji aliyê YSK'ê vê tên dayîn dikare bê weşandin. 

Hemû weşan saet di 21.00'an de serbest bin lê heke YSK pêwîst bibîne beriya 21.00'an jî dikare weşanan serbest bihêle. 

(sa)