Qereqolî mezelên dewijan îşgal kerd
ENGİN EREN
AMED (DİHA) - Qaşo dewleta Tirkîya bi hawayê îslam îdar beno eyseno. Ema eslê xo de çîyeke hinî çîno. Çimkî rûmeta fermandarê qereqolî mezelên kurdan ra zî çîno. No zî problemeke zaf gird o û yeno vateya 'tahamula ma mezelên kurdan ra zî çîno' yo. fermandar cerdewan zî tehdît kerdo ke qise mekero.
Amedî de qeza Hazroyî ra dewoka Melkîşî (Teknebaşi) ya girêdayê Eyndar (Kavaklibogazî) de qereqol ame tamîrkerdiş û sînorê xo daha zî hîra kerd û mezelên dewokî îşgal kerd. Mezelan bi telî girotêy sînorê qereqolî mîyan. Dewijên ke mezelan zîyaret kenêy halê ke esto ra îsyan kenêy. bertekmojnayoxan ra yew zî cerdewanê bi nameyê S.A. yo û wina vano: "Dema ke ma bertek mojna, lejkeran ma ra vatîy şima cerdewan êy, derheqê şima de ma do dawa abikerê." Ardimkerdoxê serekê BDPa Hezroyî Ahmet Siraç bi qiseyeke wina vat 'wahşet o'.
Dewoka Melkîşî de qereqolîy sînorên xo hîra kerd û mezelên dewijan girot telî miyan. Dewijan bertekên xo mojnay ke mezelan ze baxçeyê qereqolî xerç kenêy. Dês û tela qereqolî ra tikeyê mezelan sînorê qereqolî de verdayo. Dewijan ard ziwan ke ney semedî ra nêşkenê mezelên xo zîyaret bikerê. s.A. cerdewan o û ey zî bertekê xo qereqolî ra mojnayo ema qereqolî ey tehdît kerdo û vato: "Tu cerdewan êy ma do to gere bikerê. Dewlete ma ra qereqolan rojawanî ra zî karxaneyan virazeno."
Cerdewanê bi nameyê S.A. semedê ke bertekên xo qereqolî ra mojnayo ra lejkeran ey tehdît kerdo û waştê ke vengê xo nêvejê û vatêy: "Tu cerdewan êy lazimo ke tu vengê xo mevejê. Eger tu vengê xo bivejê ma do to gere bikerê." Derheqê mijarî de BDPa Hezroyî şîyo dewî û cigeyrayiş kerda. Mijarî ser de ardimkerdoxê serekê BDPa Ahmet Sirnaç wina vat: "Mezelan ser de dês viraştêy. Têl ontêy ra dewijan betekên xo mojnayê û vat: "Bi qiseyeke eger bêro vatiş se wahşet o. Cerdewanan her çiqas serbazên lejkerên xo ra vatêy mezelên ma ser de dês mevirazê zî, nêgoşdarnayê. Îndî do dewijîy rojên muhîm de bi rehetî nêeşkê bişêrê mezelên xo ser. Ma zî sere da ke dê wedaryo ema netîce nêda. Merdeyên ma zî rewşî ra nerehet êy. Hetê bînî ra cerdewanîy semedê çend quruş pereyan nêşkenê mafên xo bipawê û raştê neheqîyan yenêy. Cerdewanîy nêşkenê vajê nêy merdeyên ma yê."
(ad/mae)
