Dewaya 28 sibatê do dest pê biko
ENQERE (DÎHA) - Tirkîyayê de 28 sibat 'darbeya postmodern' yeno zanayiş, çimkî no demê de Serekê Partîya Refahî Necmettîn Erbakan bi zordayişa MGKî de îstîfa kerd. Nika faîlên no darbeyê do miyanî 2 û 6 êlule de hemverî Dadgeha Cezaya Girona 13'ina Enqereyê ra bivejêy. Mijar ser Serekê MAZLUMDERî Ahmet Faruk Unsal vat ke no dewa zaf ame taloq kerdişê. Hewna maxdurê darbeyî Huda Kaya zî vat ke înşallah no dewa sembolîk nêbo û cayê bivîno.
Dewaya 28 sibatî de verên erkanê pêroyênî Îsmaîl Hakki Karadayi, verên Serekê 2'inê erkanê pêroyênî Çevîk Bîr û bi temamî 103 kes yeno daraznayiş û heqî no kesan cezaya muebbetî yeno waştişê.
Mijar ser Serekê MAZLUMDERî Ahmet Faruk Unsal qise kerd û vat ke dema 28 sibatî de partîyan bi waştişa erkanê peroyênî de ameynê qefelnayişê û no ser heme çareserîya maxdurîyetan ser qanûn bêro vejnayişê.
Hewna mijar ser Nuştox Huda Kaya zî vat ke di serr verê no kesan amey binçim girewtişê, la belê peynîya di serrê no kesan yenêy daraznayiş û no rewş ay de şik berz kerdo û nînan ard ziwan: "Ma bawer kerdinêy ke no kesan bi lezî bi hemverî dadgehan bivejyaynê, la belê hewna zî maxdurîyetê kesan nêameya çareser kerdişê û ma wazenêy ke înşallah no dewa sewbi dewayan sembolîk nêbo û çimkî lingê nêrexistinî wara sîyasî, çapemenî, sermaye û darazî da est o."
(ad/mae)
