Heme mergên lejkeran de artêş berpirsîyar o
ENQERE (DÎHA) - Bi şikê de merdişa er Muharrem Alî Al hewna merdişa û xo kiştişa lejkeran rojevî ra ard. Mijar ser Edîtora sîteya askerhaklari.com'ê Tolga Îslam vat ke heme merdişa lejkeran de dewlet tirk û artêş berpirsîyarê û wina vat: "Bi taybetî lejkeran ke xo kişenêy, semedîya tadeyê û îşkence ra yeno, daneyên artêşî de zî dîyar beno ke miyanî lejkeran de semedî merdişan en zaf bi xo kiştişa lejkeran o."
Tirkîyayê de bi taybetî ciwanên kurd û xayrî mislîmanan lejkerê de yenêy kiştişê û fermandaran zî her tim semed, guya lejkeran xo întîhar kenêy mojnenêy.
Xo Kiştişan Meşrû kenêy
Mijar ser Edîtora sîteya askerhaklari.com'ê Tolga Îslam nirxand. Îslam dîyar kerd ke zaf hûmarîy de sîteya înan ra bi şikî de merdişa lejkeran ser gerra yena û wina vat: "Wezaretî Pawiyayişê heme întîharan wazena, bi qilifî rûhê ciwantî de mojnena ke xo kiştişan meşrû bikero. Wezaretî daneyan Erkanê Peroyênî ra gîna û dîyar kena, no nêzîkbîyîşî de yew sextekarî est o. Erkanê Peroyin zî vana ke lejkeran heme ciwanê û no ser xo kişenêy, ma sekêy. No vatişê de Erkanê Peroyin wazena ke bi zordarîya lejkerî meşrû biko."
Îslam aşkera kerd en zaf xo kiştiş lejkerî beno wina vat: "Ma mojnenêy ke cuyayişa sîvîlî de hîna tikey qewimyayişa xo kiştiş beno, la belê lejkerî de xo kiştiş zaf gird o. Daneyên TUÎKî de zî ason beno ke en tikey xo kiştiş miyanî serraya 20 û 24'ê de beno, la belê Erkanê Peroyênî zî çepîya vana. Ma xo kiştişan ser yew dosya hadre kerdêy û raporê de zî ma dîy ke xo kiştişê en gird faktor heqeret, kutuş, tadeyê û îşkence yo û no ser ganî artêş kontrola sîvîlî ra bero akerdeyişê, eger binê kontrola sîvîlî nêro se akerdişêy, heme no muameleyan do dewam bikero."
Îslam berdewaya qise xo de bal ont ser ravêreyeya çareserî û wina qedna: "Nika hewaya ravêreyeya çareserî ser miyanî partîyan de zaf nîqaş çînyo. No ser ganî hemverî de çareserî de bi zordarî de lejkerî bêro wedarnayişê û bi taybetî verê wijdanî retkerdoxê bêro akerdişê. Ez no ca ra veng dona; kam ke lejkerî de zilm veyneno, eşkeno ma ra heme pirsgirêkan xo ser serebidêy."
(ad/mae)
