Mehkûmên nêweşî mirenêy
MÊRDÎN (DÎHA) - Avnî Uçar dewaya PKKî ra cezaya muebbetî girewto û 20 serro ke Uçar Zîndana Girewteya Tipa E a Sêrtî de maneno. Nika di cayê wicuda Uçarî de nêweşa penceşêrî vejya yo û û seba nêweşîya penceşêrê velkeya raştî Uçar ameya girewtişê. La belê no rewşî de daxî Uçar tahlîye nêkenêy.
Rapor zî est o!
Rewşa Avnî Uçar ser birayê ey Bahoz Uçar agahî da û vat ke birayê ey bila semed no 20 serrro ke zîndanê de rawkeno û wina vat: "Serra 2006'ê de verên doktoran vatê; velkeya raştê birayê min de penceşêr est o. La belê peynî zî no rewş, raşt nêvejya û peynîya amelîyatî velkeya raştî birayê min girewtîy. Eyn rewş mesaneyê ey de vejya bi û mesaneyê ey zî hewna bi amelîyatî girewtêy bi. Nika velkeya çepî de zî penceşêr vejîya yo. Nêweşxaneya Dewleta Sêrtî seba nêweşîya birayê min rapor da û raporê xo de zî dîyar kerd ke; no kes ganî nêeşkeno zîndanî bimano û tena dermanî zî do teberê de bibo. No rapor ser zî birayê min serbest nêverday." Uçar bal ont ser Paketa 3'ina Darazî yê û nînan ard ziwan: "Sifteyin no paket aşkera kerdêy ke seba mehkûmên neweşê ser vejîya yo û no paket ma de sifteyin yew hêvî xelq kerd û la belê no hêvî vila vejîya. Nika zî vanê; encax bi raporê Sazîya Tiba Edlîyê de mehkûmên nêweş bêro veradayişê, la belê bi qetî no sazî mehkûmên sîyasîyan ra rapor nêdana. Guya nika Tirkîyayê yew ravêreyeya çareserê est o û la hewna zî mehkûmên neweşê zîndanan de rawkenêy. Sifteyin mehkûmên nêweşî guya serbest veradayişê ser berdîy Zîndana Metrîsî, la belê peynî zî tena miyanî 18 heb mehkûmên nêweşî ra di kesêy veraday. Eger hukûmat wazena ganî no ravêreyeyê de gam bierza, sifteyin mehkûmên neweşî serbest verado û eger no gam bêro se, eştişî no ravêreyeyê şarê de yew hêvî xelq bikero. Vergirewtişan nêgo se, girewtişê do heme mehkûmên neweşî ya bimirê û ya zî asteng bimanêy."
Mijara Bazarê nêbenêy!
Uçar aşkera kerd ke velkeya çepî penceşêr gird beno û belkî no ser velkeyê birayê ey bigirêy û wina donma: "Dema vîyarteyî de hewna se, rewşî birayê min de mehkûman nêverday û no ser înan zî cuyayişa xo day. Ma tersenêy hem birayê min hem zî no rewşî de zaf hûmarîy de mehkûmên nêweşî cuyayişa xo vînî bikerêy. Hukûmat aşkera kena ke guya Dewleta Israîlê faşîst û şovenost o, la belê no dewlet mehkûmên neweşa filistinijan serbest verada û eger dewleta tirk zî faşîst û şovenîst nîyo se, ganî mehkûmên neweşî serbest verado û mijarê mehkûmên neweşî zî bêmijara bazarî de bêrêy serbest veradayişê. Çimkî no kesan zîndanan de qet weş derman nêbenêy û rewşê înan her roj şona ke giran bena."
Malbatê Uçarê seba azadîya Avnî Uçarê ser, sereya înternetî de kampanyaya 'Yew îmza ge ge zaf çikan bedilnena û Avnî Uçarê ra Azadî' dest pê kerdêy. Kam wazeno se no kampanyayê ra hetkarê bido. Eşkeno no sîteya "http://imza.la/avni-ucar" de kampanyayê ra beşdar bibo.
(ad/mae)
