Şî şoreşa Rojawan û şehîd kewt
STENBOL (DÎHA) - Çend roj verî YPGij Çagdaş Kaya (Hemze) û embazên ey Rojawanî de cuyayişê vînî kerdbîy.
Bavkalê Kayayî, Fesîhê Mihê Mîrze zî peynî ya serewedartişê Agirî şîyo Rojawanî şer kerdo. Ey zî bavkalê xo, xo ra finak girewt, şî seba Şoreşa Rojawanî, Rojawanî de şer kerd û şerî de şehîd kewt. Çi çax ke seba ke şer bikero, keyeyê xora vejya yo, malbeta xo ra vato: "Ez seba şarê xo Rojawanî ra şona, eke ez bimra se zî wa ez no cayî de bimir o."
Çagdaş Kaya (27) qezaya Milazgira Muşî ra yo û 6 hebîy birayê ey estêy. Hemverê tadeyê û zilma dewletê ser herêmê ra Stenbolî koç kerdêy. Stenbolî de Kaya qet nasname û kulturê xo ra tavîz nêdayo û her tim rayîra bavkalê xo ra şîyo. Rojawanî de ser hêrişê çeteya El-Nusrayê ra şeş aşman verî şîbî Rojawanî de kewbi xêzên YPGî miyan.
Cuyayişa birayê ey ser birayê ci Îrfan Kaya agahî da û vat ke bavkalê ey, seba înan yew qehreman bîyo û wina vat: "Birayê min Rojawanî de 15 çeteyan kişeno. Dema xelasîya embazê xo keno û no dem şehîd keweno. Dema birayê min Rojawanî de bi, min ey bi ey telefonî de qise kerd û min ey ra vat ke; 'birayê min biageyri hetê malbatê xo' la belê ey zî vat; 'no ca de çetey fetva vetêy û vatê: 'kam yew kurdê bikişo se û yew cenîya kurdî ra tecawiz bikero se, cayê ey kesêy cinnet o.' û hewna birayê min vat ke; 'hemverî no zilmî de ez bê veng nêmanena û ganî şer bikero."
Kaya dest nîşan kerd ke birayê ey seba ke zaf gunîşîrin bi, her kes ey ra her hes kerdê û nînan ard ziwan: "Birayê min her tim huyayenê û her tim ciwanên kurdîy zî her tim dorûvera ey de kom bîyênê û nêverdaynê ciwanîy vila vila bigeyrê. Heme ciwanan cenazeyê birayê min xoser nêverday û hetanî Milazgirî amey."
(ad/mae)
