Qereqol bîyo nêweşxane?
WAN (DÎHA) - Qeza Wanî Muradîye de Erdal Çakar semedê ke polêsan eşbi keyê înan ser o zî tersabi û remabi.Ey demî de birîndar bi. Ciwanê birîdar bi semedê ke 'nêweşxane qerebalix o' ra nêberdîy û berdîy qereqolî derman kerdîy.
Muradîyeya Wanî de taxa Yavuz Selîm Papora Demokrasî ser de keyeyê Erda Çakarî bi. Perey şew polêsan eşt keyê ey ser. Derheqê ey de mijareke de biryara girotişî amebidayiş. Waştî ke Çakarî bigerê bin çiman. Goreya ke vajîyeno dema ke bi polêsan de qise kerdo waşto ke biremo û remayo. Ey demî de semedê ke polêseke gule verda yo ra tersayo û ginayo dareke. Zincîya xo ra birîndar bîyo. Xo eşto keyê cîranan. Pey ra Çakar girotîy bin çiman. Niştecayên kuçeyî şîdeta ke polêsan mojnayo ra bertekên xo bi şermezarkerdişê polêsan ardî ziwan û înan de niqaş kerdîy.
Pey ra mûsayê ke Çakar nêberdêy nêweşxaneyî raşte raşt berdê qereqolî. Semedê ci zî 'nêweşxane qerebalix bi' ra erdê qereqolî. Doktor Bariş Ak semedê dermankerdişê Çakarî hemşîreyeke şirawit qereqolî. Pey ra zî polêsan doktor bi xo berdê qereqolî û derman kerdêy. Pey mudahaleyeke derg ra Çakarî berdêy Nêweşxaneya Dewletî ya Muradîyeyî. Goreya ke vajîyeno, lingê ci, baskê ci, zincîya ci û çimên ci de hureynîya darbeyan estêy.
Taxijan ra Turan Kalkici ard ziwan ke polêsan selapartî aşt û naştî ra gule reşnayê ra heme kesan tetirxan kerdêy û talûkeyeke zaf gird ra vîyartê. Semedê mijarî ser de ma cigeyrayiş bikerê ra ma nêweşxaneyî geyray. Rayîrbereya nêweşxaneyî ra kesê ke nêwaşt nameyê xo bido ard ziwan ke rêziknameya înan de qetîyen teberê nêweşxaneyî de mudahaleyê bi ney rengî gere nêbo û mumkun nîyo. Gurekarê rayberî ard ziwnake do mijarî ser de cigeyrayiş bikerê.
(ad/mae)
