Mezalan ra bi pergalî de hêriş kenîy
ENQERE (DÎHA) - Taxa Naldokena qezaya Bornovaya Îzmîrî de mezala Tahtacî est a, no mezel zî mezela alewîyan o. Dema ke nobetçîya mezelî cayê xo de nêbîyo, çend kesêy, nasnameyên nimitê hêrişê mezelî kerdîy û mezelî de 20 mezelî xirap kerdêy.
Hewna bi taybetê no rojan de mezelê gerîlayan ra hêriş bena. Heme nê herişê mezalan ser û pirsgirêka elewîyan ser Serekê PSAKDî Kemal Bulbul nirxand. Bulbul qise xo de vat ke, bi pergalî de mezelên elewî û gerîlayan ra hêriş kenêy û wina vat: "Mezela Tahtaci no seran serro ke mezela elewîyan o, no ca yê ra hêriş, çarçiweya yew armancî de yeno kerdiş. Hem berên elewîyan îşaret kenêy û hem zî mezelên elewîyan ra hêriş kenêy û hewna bê rûmetî de mezelê gerîlayan ra zî hêriş kenêy. Ma cigerayiş kenêy ke kevnaşopîya no dewletî de her tim hêriş elewîyan ra bîyo. Nika çarçiweya yew konseptî de no proje yeno kerdişê. Kam ke Tirkîyayê de pergala demokratî bi pawîy se, hedefê AKPî bena û no ser ganî hêzên demokrasîyî AKPî ra bertek bidêy."
Bulbul bal ont ser paketa demokrasîya AKPî û nînan ard ziwan: "AKP paketa xo de keyeyên cemî de se 'navenda kulturê' mojneya. No polîtîka hetanê Osmanli ra nika ameya, wazenê se pergala devşîrmeyê elewîyan bi helênî. Dewlet mîzgeftan de dewleta tirk serxo yew dîna îslamê şixulnena û rebazên ke mîzgeftan de şixulnenêy, dîna îslamîyetî de çînya. Her hewta rojê îne mîzgeftan ra Serekêya Dîyanetî nuştuş erşewena û no nuştuşan zî xocayan onenêy. Çimkî heme xocayan karmenda dewletêy."
Pîrey Karmend nêbenêy
Bulbul dîyar kerd ke, karmeda dewletî ra rayverê bawerî nêbena û wina domna: "Nika dewlet wazena, pîran ra zî maeş bido, la ma bawerekê pîran karmenda dewletî nêbêy û no rewş zî nêno qebûl kerdişê. Ma dîyar kenêy ke çew bi paketan demokrasî nêeşkena bîyaro. Şarê kurd bi têkoşîna xo no merhaleyê amey û elewîyan zî nika bi sayeya ganîbîyayişî de vejyenêy kuçeyan."
Bulbul aşkera kerd ke, hemverî no hêriş û paketa demokrasî de gird mîtîngan bivirazêy û wina qedna: "Ma bi rêxistinên demokratîk û partîyan de pîya do 5 citmenge Mersîn û 27 citmengî zî Stenbolî de ma gird mîtîngan bivirazêy. Ma waran de 'Laîk û hem welatî yew Tirkîya' biqirêy. Nika ra pey hemverî AKPî de rayê re hîreyîn biveja û no ser gird rol ser partîyan kuwena. Ma partî nîyê la ma veng donêy, hemverê polîtîkayên nijadperest û helênayişî de rayê re hîreyîn şert a. Ma girdî de hêrişê mezelan şermezar kenêy."
(ad/mae)
