Qetilî Ethemî hewna pawitêy
ENQERE (DÎHA) - Dema qewimyayişa Gezîyê de Ethem Sarisuluk Enqereyî de çalakî ra beşdar bibî, la çalakî de polês Ahmet Şahbaz Sarisulukî qetilkerd. No qetilkerdiş ser doz ame akerdiş. Dadgeh heqî Şahbazî de hem biryarê mehkûmîyatî nêda hem zî ey ra seveknayîş tayîn kerd.
Qewimyayişa Gezîyê hemverî zilmên hukûmat AKPî de dest pê kerd bî. No çalakîyan de zî polêsên AKPî bi desan ciwanêy qirkerdêy. La dadgahan de zî dadger û dozgeran no qetilan ra wayir vejîyay û hetta qetilan ra seveknayîş tayîn kerdêy. Eynî no rewş doza Sarisulukî de ame mojnayiş. Sifteyin doza Sarisulukî ra qetil Ahmet Şahbazî polêsan seba ewlehîyê Şahbazê ey bi perûke û gozliga sîya de dadgehî ra ardîy. Birayê Ethem Sarisulukî, Îkrar Sarisuluk çi çax ke qetil Şahbaz dî, tebat nêbî û sere Şahbazî ramit û sere Şahbazî perûkî ey girewt. Peynîya no rewşî zî Şahbaz rapora derbî girewt o û peynî zî heqî Îkrar Sarisulukî de cipersayiş ameya akerdiş. Dewlet seba deşîfre bîyîşa Şahbazî ser, Şahbazî sewbî şaristanî ra tayîn kerd.
(ad/mae)
