Dozên Gezîyê DMMEê ra yena kiriştiş
ENQERE (DÎHA) - 27 gulane de seba Parka Gezîyê birnayişa daran ser çalakîyan dest pê kerdbî û nêy çalakîyan ra zî polêsên AKPî gird hêriş kerdbî û bi desan ciwan zî qetilkerdbî. La belê dadgehên Tirkîyayê zî qetilan pawit û no ser zî malbatan dosyayên Gezîyê PE, KE û DMMEê ra kirişenêy.
Çalakîyên Gezîyê de 5 heb ciwan cuyayişên xo day û 8 hezar kesêy zî birîndar bîy û miyanê nêy birîndaran ra zî 14 kesêy çimên xo vînîkerdêy. Heme nêy heqîyan ser yew heyet ame ronayişê û no heyet zî dosyayên Gezîyê DMMEê ra bero û dozan biaker o.
Mijar ser Îdarekerê ÎHDa Enqereyê û endamê heyetê Cengîz Mendîllîoglu, agahî da û vat ke dosyayan hewaya mîtîngî de DMMEê ra bêro teslîm kerdişê û no organîzasyonî de heme demokrata rêxistinên Ewropayî zî ca bigerêy û wina vat: "Ma 3 konaxê de sereperodayişê xo temam bikerêy. Yewîn Tirkîyayê rayêrê huqûqî qedya, diyin zî rayêrên huqûqa herêmê qednayişê û hîrêyin zî serdayişa DMMEê. La belê dozên Medenî Yildirim û Mehmet Ayvalitaş seba ke domyenêy no ser ma nêeşkenêy înan ser, sereperodî DMMEî ra"
(aw)
