AKP wazena Tirkîya dagir bikero
DENÎZ TEKÎN
MÊRSÎN (DÎHA) - Wezareta Perwerdeyîya Mîllî 4 tebaxe de bi qanûnî pergala azmûna weçînayişa îdarekerên dibistanî bedilna û azmunî ra hem şertî azmûna nuştuşî hem zî mulakat (azmuna fekkî) ard. New no pergal ser Serekê Egîtîm Sena Mersînî Remzî Çîftçî, vat ke no pergalî krîterên objektîfî nêro şixulnayiş û no ser sendîkayan wazenêy no pergal bêro wedarnayiş.
Dema AKPî ra bi taybetî qedrotî zaf bîyo, no ser AKP heme pergalan serxo bedilnena û wazena heme sazîyên Tirkîyayî bikero. Nika hukûmat AKP pergala azmûna weçînayişa îdarekerên dibistanî bedilna û peynî no bedilyayişî heme qadroyên AKPî dibistanên de wezîfe girewtîy. No pergal ser Serekê Egîtîm Sena Mersînî Remzî Çîftçî nirxand.
Çîftçî, dîyar kerd ke dema AKP îqtîdar ameyo, no demî ra hetanî nika bi taybetî wara perwerdeyî de 'qadrotîya sîyasî' de faelîyetî şixulnena û wina vat: "Verê AKPî de qadrotîya sîyasî est bî, la belê çew se AKPî no mijarê de avernêşîybî. No îqtîdar wazena heme Tirkîyayî dagir bikero. Bi pergala 4+4+4'ê de heme pergala perwerdeyî serxo neweyî ra dîzayn kerdîy. Dibistanan de qadroya îdarekerî heme endamên xo tayîn kerdîy û no ser zî pergala azmûna weçînayişa îdarekerên dibistan bedilnay."
Çîftçî, aşkera kerd ke azmûna nuştuşî de endamên înan zaf hûmarîy de puan gîney, la belê dema azmûna fekkî de komîsyon înan ra pûan nêdono û nînan ard ziwan: "Finak yew endamên Egîtîm -Bîr-Senî azmûna nuştuşî de 74 puan gîno, la belê azmûna fekkî de zî komîsyon ey ra 98.80 puan dona no ser zî no kes azmûn qezenc kena. Hemverî no rewşî de zî endamên ma azmûna nuştuşî de 82 pûan gînê, la komîsyon azmûna fekkî de ey ra 69.40 dona û no ser zî endamê ma azmûn vîn kena."
Çîftçî, bal ont ser lîsteya îdarekerên dibistanî û wina domna: "Mudirîya Perwerdeyîya Mîllîya Mersînî lîsteya îdarekerên dibistanî aşkera kerd û no lîsteyî de 82 kesîy azmûn qezenc kerd o. Miyanê no lîsteyî de tena yew embazê ma est o, ey zî zatî sifteyin îdarekerê dibistanî bî. La belê no lîsteyî heme 81 heb endamên Egîtîm -Bîr-Senî est o. Ma no rewşî ra mojanê ke AKP û Cemaet pîya wazenêy heme sazîyên Tirkîyayî dagir bikerîy. Felsefeyê xo vanê ke; ya hetî ma de benîy ya zî şima rê heqî cuyayişa çînyo. Ma bi qetî netîceya no azmûnî dadgehî ra berêy û doz biakerîy. Ma her tim hemverî qadrotîya sîyasî de têkoşîn xo bidomnê û berz bikerîy."
(ad/mae)
