Karkerên FEDAŞî şermezar kerdîy
DÊRSIM (DÎHA) - Karkerên ke hemverê FEDAŞî kewtêy grevî, seba merdişê Îbrahîm Altanî (bi tepiştişa ceryanê de cuyayişê xo vînîkerdbî) şermezarkerdişî ser de bonê FEDAŞî dagir kerdîy û verê FEDAŞî de vindertişê karkeran domyeno.
Karkerên FEDAŞî seba maeşê înan berz bibo û karê înan de çinîbîyîşa ewlehî ser de, nêy 23 rojêy ke grevî de yê. Serekê AKPa Pulurî Sînan Yerlîkaya, karker Îbrahîm Altinî seba çareserkerdişê pirsgirêka ceryanî ser eşrawit o Pulura Dêrsimî. La belê oca de bi tepiştişa ceryanê cuyayişê xo vînî kerd. Hemverê no rewşê de zî karkeran seba şermezar bikerê ra bonê FEDAŞî dagir kerdîy.
Sifteyin karkeran bi dirûşmeyan de verê FEDAŞî kombîy û bi diregên ceryanî rayê re FEDAŞî ra barîkat ronayî. Dema çalakîyê de karkeran adir veşnay û çalakîya karkeran ra temsîlkarên partî û sazîyên sîvîlî hetkarîya xo day. Çalakîya xo karkeran hetanê ser sibayê domnay û hemverê no rewşî de zî polêsan dorûvera FEDAŞî girewtêy binê ablukayî. Çalakîya karkeran hewna zî domyena.
(aw)
