Kekê min wekîl o kes bi ma nêşkeno'
RIHA (DÎHA) - Biraye Wekîlê AKP'A Rihayî Abdulkerîm Gokî, Yakup Gok aşma verî Sêrêkanîyî de Reşît Ekîncî 7 cayê ci ra bi kardî birîndar kerd bi. Na gam zî bi kekê Yakupî Muslum Ekînîcî bi wesayita xo pelixna.
Birayê wekîlê AKPî Abdulkerîm Gokî Yakup Gok bi çend kesan de minaqeşe kerd ra pey 2 kesan kardî kerd û bi hawayê birîndar wedarnaybîy nêweşxaneyî. Nînan ra rewşa Reşît Ekîncî (33) demeke derg beşa ewnîyayişê lezgîn de mend. Kekê Reşîtî Muslum Ekîncî (43) semedê ke gere bikero ra şibi verê Mudireteya Ewleheya Serêkanîyî. Mudirîyetî ver de Yakup Gok bi maşineya xo a 63 SC 666 da Muslum Ekîncî ro. Kesên dormeyî ey berdîy nêweşxaneyî. Pey mudahaleya sifteyin ey sewkê Rihayî kerdîy. Yakup Gok zî girotîy binçiman. Pey pirodayişî de Yakup Gok berdêy Mudireteya Ewleheyî. Goreya îdiayên malbata Ekîncî, birayê wekîlê AKPî Abdulkerîm Gokî Riza Gok (36) ameyo ewlehî û çeka polêseke gurekarî giroto û verê malbata Ekîncî kerdo û vato: "Kekê min wekîl o. Bi ma çîyeke zî nêbeno û şima zî nêşkenê çîyeke bikerê. Ez do şima hemeyan tîya de bikişî." Bi ney hawayî malbata Ekîncî tehdît kerdo.
Nezdîyên Muslum Ekîncî ra Zeynep Ekîncî ard ziwan û îdia kerd ke polês birayê Abdullkerîmî pawenêy.
(ad/mae)
