Baroyî wazenêy muzakerey hîra bibêy
RİHA (DÎHA) - Baroyê heremî wazenêy ke muzakerey bidomyê ra dewlete gaman bierzo. Şert û mercên Rayberê Şarê Kurd Abdullah Ocalanî weş bikerê, girotey sîyasî azad bibêy, ziwanê mayî de perwerde dewlete bido û dêsê sermî ya sînorî bêro wedartiş ke şarîy aramey de bimanêy.
Fekverkê Baroyên Herêmî û Serekê Baroya Rihayî Alî Fuat Bucak ravêreyêyî ser de qese kerd û ard ziwna ke, semedê ravereyeyî ziwanê mayî de perwerdehî gere bibo ze gureyê cemawerî bêro vînayiş û waştîy ke wa girotey ke bin banê Qirkerdişê Sîyasî de amey girotiş hemey bêrê veradayiş û herî peynÎi zî ardîy ziwan ke semedê Rayberê Şarê Kurd Abdullah Ocalan gureyê xo yê Qandîl û şarî miyan de hewna weş û azad bikero ra şert û mercên ey gere bêrê weşkerdiş.
Hewteya verî baroyê herêmîy Rihayî de kombîy û ravêreyeyî ser de biryarên muhîm girotîy. Serekê Baroya Rihayî û Fekverkê Baroya Demî Alî Fuat Bucak ard ziwan ke 3 aşman de rayeke kom benêy û ney kombîyayişî de zî mijara sereke ya ravêreyeya ke kurdan û hemeyê Rojahilatî aleqeder keno xo ra kerdê mijar û ard vîr ke bi giranî, mijara ziwanê mayî de perwerdehî ser de vindertêy. Hetê bînî ra zî semedê ke girotey zîndanî yên ke çarçiweya Qirkerdişê Sîyasî de ameyê girotişî serbest bêrê veradayiş û şert û mercên Rayberê Şarê Kurd Abdullah Ocalan Azad bibo û gureyê xo hewna zî weş bikero ser de vindertêy.
Bucakî ard wana dewam kerd: "Raveraye keno ke bixetimyo. No nîno qebûlkerdiş. Hureynîya ke gamên aştî û çarerserî bîyamaynê eştişî ra na gam sînorî de dês yeno viraştiş. No zî dermanê çareserkerdişî nîyo tam çepê ci zey dêsê Berlînî çîyeke yo. No dês şarî perçekerdiş o. Pirsgirêka kurd bi ney hawayî dewlete nêşkeno bi ney hawayî çareser bikero. Dewlete sûceke merdimatî keno."
Bucak ard ziwan ke polîtîkaya Tirkîyayî semedê herêma ma teybet o û vat: "Polîtîka huqûqî herêma ma de kenê qaranbolî. No zî bi her hawayî nîno qebûl kerdiş. Heta wezîrê edaletî zî ney bi teybet virazeno. Şar mexdûr benêy. No zî bes nîyo şarê kurd herêmên bînan de wazenê lînç bikerê û rayna zî sûdar kesê herêma kurd mojenenêy."
Bucakî wina qedîna: "Lazimo ke ziwanê mayî zey gureyeke cemawerî bêro vînayiş. Lazimo ke dewlete bi destê xo bikero. Girotey sîyasî heme gere bêrê veradayişî. Lazimo ke hukûmat û dewlete bi Ocalan, bi BDPî û Qendîlî rey de pêvînayişan bikero û muhatap bigero."
(ad/mae)
