Mamostey ke nuşteyê quncik nuştê ra cipersayiş
MELETÎ (DÎHA) - Meletî de semedê ke mamostey rojnameyeke herêmî de quncik nuştê ra Serekê Egitim Sen ya Meletî Alî Ekber Baytemûr û Serekê PSAKDa Meletî Songul Tunçdemîr de doz ame akerdiş.
Meletî de mamostey hetê gureyê xo rojnameyeke herêmî de nuştoxeya quncikê rojnameyî kerdêy. Mudireteya Perwerdeheya Mîllî semedê ke Serekê Egitim Sen ya Meletî Alî Ekber Baytemûr û Serekê PSAKDa Meletî Songul Tunçdemîr ra doz akerd. Goreya doza ke akerdo bi îdiaya 'nuştişî nuştiş bi destûr o' ra Mudireteya Ewleheya Meletî, Mudirteya Perwerdeheya Mîllî ra nuşte nuşt o û ney mijarî de mudirê perwerdeheyî zî veng dayo mamosteya û îfadeya înan giroto.
Mijarî ser de Serekê Egîtîm Sen a Meletî Baytemur ard ziwan ke armanca înan oyo ke çimê ma bitersnê û vat: "Goreya qanûna bi humara 26'in, bi hawayê akerde merdimîy şikyenê fikr û zikrê xo bi nuştekî an zî fekî bivajo. Qanûna bi humara 4688'î zî o zî akerde yo. qanûan Komeleyan zî akerde yo. Hemey anê ziwan ke kes an zî serekên komeleya fikrê xo bi nuştekî an zî fekî şikyenê bivajê. Heta ewro Meletî de cipersayiş ke wana anêbîyo. Herhal nuştey ma tikeya nerehet kerdo. Tiya de armanc bêvengkerdiş û çimtersanyiş o. Ez do nuştişî dewam bikerî." Serekê PSAKD a Meletî Tuçdemîr zî ard ziwan ke mudir ey geyrayo ra pey şîyo hetê mudirî û vat: "Dema ke min geyra min ders dayê. Vat acil o. Ardîy ziwan ke nuşteyê cipersayişî 20 rojêy ke amebi. Vengdayişê deqa peynî bala min ont. Belîyo ke wazenê ma bêveng bikerê. Ema ma do binuşnê."
(ad/mae)
