Ma elewîya dewletî nêbenîy
STENBOL (DÎHA) - Nêzdî 50 heb sazîyê elewîyî bi şîara 'Hemverê helênayiş û înkarê de welatijê zeypê yê û azadîya bawerîyan' de Wara Kadikoya Stenbolî de mîtîng virazenîy. Mîtîngî ra bi hezaran elewîy beşdar bîy.
Federasyona Elewîya Bektaşî, Federasyona Yewîyeya Sazîyê Elewîyî, Wexfa Kultura Haci Bektaşa Velîyaya Anatolyayî, Sazîyê Elewîya Demokratîka Azadîyê û nêzdî 50 heb sazîyê elewîyî bi şîara 'Hemverê helênayiş û înkarê de welatijê zeypê yê û azadîya bawerîyan' de Wara Kadikoya Stenbolî de mîtîng virazenîy. Mîtîngî ra dorûvera Tirkîyayê ra bi se hezaran elewîyî beşdar bîy. Wara mîtîngî ra elewîyan 3 polî ra herikyay. Verê mîtîngî de polêsan sere beşderwanîy bi provokasyonî de geyrîyaynê, mîtîngî de pankartê 'Hemverê helênayiş û înkarê de welatijê zeypê yê û azadîya bawerîyan', 'Keyeyê cemî cayê îbadetxane yo', 'Ma elewîyî dewletî nêbenîy', 'Sêwazî de veşnay, Gurgumî de qetilkerdîy û Gezîyê de zî kiştîy', 'Projeya Mizgeft, Keyeya Cemî helênayiş o' akerdîy. Hewna mîtîngî de dirûşmeyê 'Şehîdê Sêwazî bêmergî yê', 'Zey Hz. Huseyînê lingê de vinderêy û çewt nêbîy', 'Kam Sêwazî veşnayê se, AKPî zî sazkerdîy', 'Her ca Taksîm her ca xoverdayiş' qiray. Sazîya HDK û HDPî zî cayê mîtîngî ra polê Sogutluçeşmeyî ra amey.
Nameyê komîteya mîtîngî Celal Dede qise kerd û vat ke kam ke înan wazena komelî ra dûr visno, hemverê înan de înan no ca de yê û wina vat: "Ma eke adetan xo ra wayir nêvejîya se, do ma verê Hz. Alîyê rûmetê xo vînbikerîy. Ma bi qetê verê zalîm û zilimkaran milê çewt nêkerîy."
Serekê Sazîya Kultura Pîr Sultan Abdalî Kemal Bulbul zî vat ke sazîyê înan keyeya cemîyê û wina vat: "Ma unsura bingeyîya Tirkîyayê, la no rewşî AKP qebûl nêkena. Nika zî AKP Nisêbînî de dêsa şermî virazena. Bêrîy ma bi hevparî de no weçînayişî AKPî def bikerîy."
Hewna Serekê Wexfa Kultura Haci Bektaşa Anatolyayî Ercan Geçmez dîyar kerd ke nika warê heme dostê Hz. Alî estêy û nînan vat: "Ma hetanê azadîyê têkoşîn xo bidomnêy. Ganî Sazîya Serekêtîya Dîyanetî bêro wedarnayişî." Serekê Federasyona Sazîyê Elewîyê Husnîye Tahmaz zî vat ke hemverê helênayişî de têkoşîn dayiş o û wina domna: "Ma hetanê nika zaf bedelan day, AKP çeteyan ra hetkarî dona."
(ad)
