Şaredarîya Kuşadasiyî şermezar kerdîy
AYDIN (DÎHA) - Kuşadasiya Aydinî de Konsera Deyrê Vînbîyayî de ameya waştişê ke deyrê kurdî bêro vatiş, la belê no konserî Şaredarîya Kuşadasiyî no konserê betal kerd. No rewşî Hunermend Devrîm Kaya bertek xo mojna. Hewna mijar ser Serekê BDPa Kuşadasiyî Metîn Taş zî vat ke înan no mijarê qet bêveng nêminêy.
Kuşadasiya Îzmîrê de ameybî ke plan kerdişê hewteyê ke vîyart rojê yewşemeyî de Konsera Deyrê Vînbîyayî biameynê organîze kerdişî. La belê seba ke no konserî ziwanê kurdî de deryan biameynê vatişî no ser zî şaredarîya Kuşadasiyî no konserê bi îdiaya ke qewimyayiş bivejyoyê de betal kerd.
Mijar ser Hunermend Devrîm Kaya û Serekê BDPa Kuşadasiyî Metîn Taş şîrove kerdîy.
Devrîm Kaya dîyar kerd ke no konser seba deyrê kurdî ser amey betal kerdişî û wina vat: "Projeya no konser Nezîh Unen organîze kerdbî. Ez no konserê ra hunermenda meymanî de beşdar bibîynê. Hetta her konserê înan de zî ca girewt a. Deyrê min de hem tirkî hem zî kurdî estêy, çimkî Tirkîyayê de şarê kurd zî est o. Armancê nêy projeyan zî ayo ke heme rengê Tirkîyayê xo îfade bikerîy. Ma hîna prove kerdiynê, ma bander bîy ke konser betal bîyo. Sifteyin deyrê kurdî repertuarî de vejnayê û peynî zî vatê; provokasyon est o, konsera telûke yo û konser betal kerdîy."
Kaya aşkera kerd ke ay her serrê Aydinî ra yena û sifteyin no rewşî de ameya hemverê û wina qedna: "Hele Kuşadasiyê de bîyîşa no rewş zaf min şaş kerd. Qet dorûvera de polês çînîbî, peynî ma de koma trompetî sehneyî vejnay. No rewşê zî ez şermezar kena."
Hewna mijar ser Serekê BDPa Kuşadasiyî Metîn Taş qise kerd û verê qise xo de betal kerdişê şermezar kerd û wina donma: "Ma nika ravêreyîya aştî de yê, senî beno no rewş bena û no rewş zî ravêreyeyî ra zaf çewt a. Şaredarîya Kuşadasiyî ra kam gef wanena, senî bena şaredarî polêsî ra ardim nêwazena. La konser betal kena û peynî zî sehneyî ra koma trompetî vejnanîy. Ma no rewşî şermezar kenîy û hemverê no rewşî de zî qet ma bêveng nêvîndîy."
(ad)
