AKP cuyayişê xo înşa kena
GULSEN ASLAN - ÎBRAHÎM ASLAN
ENQERE (DÎHA) - Rojê peynî de AKP seba cuyayişê xo neweyî înşa kerdişê ser qanûna YOKî de bedilnayiş kerd, kam mamoste û wendekar qewimyayişa Gezîyê ra beşdar bîyo se, heqê înan de cipersayişan akerd, hewna Serekwezîr Erdogan aşkera kerd ke nika ra pey yew keyeyê de wendkarîy cenî û mêrdek nêeşkena tehetî de bimanêy. Heme nêy faelîyê AKPî ser Serekê Sendîkaya Kedkarê Îlîm û Perwerdeyeyî (Egîtîm Sen) Unsel Yildiz vat ke AKP nika wazena heme warê cuyayişê de neweyî yew cuyayiş înşa bikero û no ser zî heme cuyayişê taybetê ra hêriş kena.
Nika Tirkîyayê bi taybetê bi îqtîdara AKPî pirsgirêka perwerdeyî yê dest pê kerda û kam mamoste û wendakarîy hemverê AKPî de faelîyet keno se, AKPî bi dozger û dadgerê xo de heqê înan de cipersayiş akena (Finak qewimyayişa Gezîyê). Hewna AKPî seba projeyê xo qanûna dîsîplîna YOKî bedilnayiş kerd û Serekwezîr Erdogan dîyar kerd ke yew keyeyê de wendkarîy cenî û mêrdek nêeşkenîy tehetî de bimanêy. Heme nêy faelîyetê nika dorûvera perwerdeyeyî de yena nîqaş kerdişî. Projeyê AKPî ser Serekê Egîtîm Sena Pêroyinî Unsal Yildiz DÎHAyê ra şîrove kerd
Serekê Egîtîm Sena Pêroyinî Unsal Yildiz dîyar kerd ke hukûmata AKP nika heme şaxê Egîtîm Senî de bi dozgeran xo de cipersayiş akerda û nêy cipersayişan zî bi hezaran endamê înan çarçiweya xo gîna û wina vat: "Nika Enqereyî de tena heqê endamê ma de tena bi îhbaran de cipersayiş ameya akerdişî. Hetta dozgeran embazê ma îdarekeran vatê: 'Qey şima heqê wendekaran de cipersayiş nêakerdîy' peynîya cipersayişê cayê embazê ma de yena bedilyayişî. Hukûmat bi taybetê kam qewimyayişê Gezîyê beşdar bîyo se, înan hêriş kena û seba ke nêy çalakîyan ra ma hetkarî day û heqê çalakîyan ke ma viraştêy heqê endamê ma de cipersayişa ameya akerdişî."
Serekê Egîtîm Sena Pêroyinî Yildiz aşkera kerd ke Serekwezîr Erdogan vat ke : 'Yew keyeyê de wendkarîy cenî û mêrdek nêeşkenîy tehetî de bimanêy' no vatişê înan nêeşkenîy qewimyayişa Gezîyê dûr bifikrê û nînan ard ziwan: "AKP nika wazena heme warê cuyayişê de neweyî yew cuyayiş înşa bikero û no ser zî heme cuyayişê taybetê ra hêriş kena. No ser zî kam dorûvera qewimyayişê Gezîyê ra beşdar bîyo se înan ra hêriş kena. AKP wazena heme wendakarîy bêîtîbar verado. AKP bi taybetê qanûna YOKî bedilnayiş kerd ke wendekarîy nika ra pey bêcipersayişî de zanîngehan ra bêrîy eştişî."
Yildiz bal ont ser fesareta AKPî de azadî ra û wina domna: "AKP dema vîyarteyî de zanîngehan de azadîyê ser qiraynê, nika kesîy ke zanîngahan de azadî biwazo se, ya polêsê AKPî ser înan ra bi çekan de hêriş kenîy ya zî dozgerê AKPî zî heqê kesan de cipersayişan akenîy. Nika dema AKPî dema 12 Êlule ra hîna beter a. AKP wazena komelîyî bi cepheyan ra pare bikero. No ser zî bi taybetê cuyayişa taybetî ra hêriş kena. Ganî hemverê no rewşî de kes bêveng nêmano. Çimkî AKP wazena heme wendekarîy qirbikero."
(ad)
