Şarê kurd nuştuşê nijadperestî ra nerehet o
WAN (DÎHA) - Bi taybetê dema Darbeya 12 Êlule de lejkeran heme koy, rayir û papolan ra nuştuşê nijadperestîy nuştîy, nika bi taybetê şarê kurdîy nêy nuştuşê nijadperestî ra bêrehetîy. Hema zî yew koya Taxa Akkopruya Wanî de nuşteşê nijadperestî 'Kese ke çi baxtîyaro ke vana ez tirk a' nusena û no rewşê ra zî taxijan ra zaf bertikîy û bêrehetîy. Mijarî ser de taxijîy dîyar kerdîy ke înan nika ra pey herêma xo no tarz nuştuşîy nêwazenêy.
Darbeya 1980'ê ra hetanî nika hema zî herêma koyan, papol û rayiran de nuştuşê nijadperestîy 'Kese ke çi baxtîyaro ke vana ez tirk a', 'Ti tirkê se xo ra bawer biki' vindenîy. Amedî de tabeleya 'Kese ke çi baxtîyaro ke vana ez tirk a' warardişî no rewşî hewna ard rojevî. Wanî de welatijan dîyar kerd ke hema hema heme dorûvera şaristanî de dema Darbeya 12 Êlule de lejkeran nuştuşê nijadperestîy nuştêy û êy no rewşî ra zî bêrehetêy.
Taxa Akkopruya Wanî de Esnaf Alî Aslan vat ke nêy tarzî de nuştuşîy înan bêrehet kena û wina vat: "Bi taybet koyê Kurdistanî de bi no tarzî de nuştuşîy ra ma zaf bêrehetêy. Ez bi rehetî eşkena vaja ke Kurdistanî nuştuşa nijadperestî 'Kese ke çi baxtîyaro ke vana ez tirk a' min zaf hersnena. No ca de kurdan nêy tarzî de nuştişan nêwazenîy. Ganî koyê Kurdistanî ra nêy tarzî nuştuş wa bêrêy wedarnayişî."
Welatijê nameyê ey Kemal Korkmaz zî aşkera kerd ke ganî bi ravêreyeya aştîyê de nêy tarzî de nuştuşîy biameynê wedarnayişî û wina domna: "Ma tirk, çerkes, ereb û elewî heme birayê xo veynenîy, no ser zî çew nêeşkena nijadperestî bikero. Min hema zî fam nêkerda, senî bena nêy tarzî de nuştuşîy koyê Kurdistanî vindenêy. Çew nêy nuştuşa nêwazeno."
Hewna welatij nameyê ey Adil Pekîn zî mijarî ser dest nîşan kerd ke bi Şera Xelasîyeyê de tirk û kurd pîya şer kerdêy, pîya no welatî xelaskerdêy û wina qedna: "No ca Kurdistan o û koyê Kurdistanî ra 'ez tirk a' nuştuş zî qet raşt nîyo."
(ad/mae)
