Cenî û lajek pîya têkoşîn bidêy
HAMDULLAH KESEN
EDENE (DÎHA) - Vatişê Serekwezîr Erdoganî ser (Yew keyeyê cenî û lajek wendekar nêeşkenîy biciwiy) ser .
Wendekarîy Zanîngeha Çukurovayî berteka xo mojnay û vatîy ke polîtîkayê leyminî ya AKPî ser xoverdayişa Gezîyê vejya û înan hemverê AKPî de têkoşîna xo do berz bikerêy. Dema îqtîdara AKPî ra hetanê nika Serekwezîr Erdogan her tim vatişê skandalî ra îmze eşt o. Erdogan Serewedarnayişê Amedî (2006) de polêsê xo ra vatbi ke 'cenî û gede kam beno se wa bibo ganî çiçî lazimo se bikerîy.' nika zî Erdogan vano ke 'keyeyî de cenî û lajekêy wendekar nêeşkenîy pîya bimanêy.' Bi taybetê hukûmata AKPî peynîya qewimyayişa Gezîyê wendekaran xo ra hedef girewto û herîşê înan kena. Hemverê heme polîtîkayê AKPî de wendekarêy Zanîngeha Çukurovayî dîyar kerdîy ke AKP wazena cenî û lajekan cîya bikero û hetta ganî bikero se, zanîngehan de zî wendekaran cîya bikero û zanîngehan de bikero haramey û Selamî. CUYAYIŞÊ XO DOMNENÎY Mijarî ser de wendekarê Zanîngeha Çukurovayî Mete Soner Solmaz vat ke Tirkîyayî de pirsgirêka yurdan yena zanayiş û dema AKPî ra hetanê nika miyanê yurdan ra çîtîy ameyê ronayişî. Ma do bi bêzayendî cenî û lajeka pîya cuyayişê xo bidomnêy. 'MA TESLÎM NÊBENÊ' Hewna mijarî ser de Sekreterê Egîtîm Sena Edeneyî Yalçin Alçîçek dest nîşan kerd ke Serekwezîr Erdogan Tirkîyayî de wazena cuyayişê newe înşa bikero û no ser zî bi taybetê wendekarîy ra hêriş keno û wina domna: "Tirkîyayî de cenî û lajek marûzê tacîz û tecawizî benîy, la nêy zilman Erdogan nêeşnaweno. AKP hemverê zilmî de têkoşîn nêdano. AKP Tirkîyayî de wazena dîktatorîya xo înşa bikero. Ma do qet no îqtîdarî ra teslîm nêbêy."
(ad)
