Cizrespor 3-0 Diyarbakiryol Spor têk bir
ŞIRNEX (DÎHA) - Cizrespor ku di sehaya xwe de bi Diyarbekiryol Sporê hat pêşberê hev bi 3-0 qezenc kir.
Di maça Koma 1'emîn ya Lîga Amator a Herêmî ya Tirkiyeyê de Cizrespor û Diyarbakiryol Spor li Stadyuma Cizîrê hatin pêşberê hev. Maç ji ber Cizrespor ceza girtibû bê temaşevan hat lîstin. Cizrespor di sehaya xwe de hêj di deqeya 11'emîn de bi gola Musa bi lez dest bi maçê kir û di deqeya 44'emîn de bi gola Hakan, beşa yekemîn 2-0 bi serkeftî xilas kir. Cizrespor ku bi moralek baş dest bi dewreya duyemîn kir careke din di deqeya 63'emîn de bi gola Musa 3-0 kete pêş û maç dawî bû.
Bi dawîbûna maçê re ku ji ber cezayê hemwelatî nikaribûn ketibûna stadyumê, hemwelatiyan li ser banên xaniyên derdora stadyumê temaşe dikirin. Hemwelatî piştî maç xilas bû, wê biçûna malên xwe, polîsên ku bi wesayîtên zirxî hatibûn ber stadyumê, ji bo hemwelatî kêfxweşî nekin bi ava şid mudaxeleyê welatiyan kirin. Li hember vê helwesta polîsan zarokan bertekên xwe bi avêtina keviran nîşan dan. Piştî zarok li kûçeyên taxê belav bûn, bûyer demek kurt de bi dawî bû.
(cno/ea/wk)
