Mîhrîcana Karkeran guh neda astengiyan
ÎZMÎR (DÎHA) - 11'mîn Mîhrîcana Fîlmên Karkeran a Navnetewî, li Îzmîrê li gel astengiya polîsan jî dest pê kir.
Merasîma destpêkê ya 11'mîn Mîhrîcana Fîlmên Karkeran a Navnetewî duh êvarî li Navenda Mîmartiyê ya Îzmîrê pêk hat. Beriya merasîma destpêkê, ji bo meşa festîvalê sînemahez û karker, li Kolana Kibris Şehîtlerî ya Alsancakê hatin gel hev. Koma ku di dest wan de amûrên Charlîe Chaplîn, Karagoz û aletên rîtmê hebûn bi dirûşmeya "Her der mîhrîcan, her der berxwedan" meşiyan. Polîsên ku rê li girseyê girt, bi anonsan diyar kirin ku meş bi biryara walîtiyê hatiye qedexekirin û bi vî awayî destûr nedan girse bimeşe. Welatiyên li derdorê jî bertek nîşanî van astengiyên polîsan dan. Piştî kêliyekê girse, kom bi kom ber bi qada mîhrîcanê ve meşiyan û hatin ber Navenda Mîmartiyê.
Koma BANDOSOL li ber Navenda Mîmartiyê, konsertek berpêş kirin. Piştî konsertê nûnerên DÎSK û KESK'ê axivîn û gotin, li gel hemû astengî û barbartiyê ew dê her çîrokên hêviyî binivîsin. Piştî axaftinan Orkestraya Komên Fîlmî ya TERANE'yê, resîtaleke ku ji fîlmên muzîkan pêk tê berpêş kir.
Piştre fîlmê destpêkê yê mîhrîcanê "Diya Min Bo Min got Penêr Bikire û Were" ku derhênerê wê Cîhangîr Kose ye, hat pêşandan.
(red)
