Li Amedê kelecana fuara pirtûkan
AMED (DÎHA) - Fuara Purtûkan a Amedê ku dê cara duyemîn bê lidarxistin di 17-22'yê Gulanê de dest pê dike. Temaya fuarê ya îsal "Azadî" ye û mêvanê fuarê jî nivîskarê kurd Ahmed Hûseynî be.
Li Amedê cara duyemîn Fuara Pirtûkan bi beşdariya 72 weşanxaneyan di 17-22'yê Gulanê de bi temaya "Azadî" li Sumerparkê bê vekirin. Di 17'ê Gulanê de bernameya vekirinê dê bê organîzekirin û nêzî 70 bername ji bo pirtûkhezan bên lidarxistin. Di fuarê de nivîskarê kurd Ehmed Huseynî bibe mêvanê rûmetê û Helîm Yusuf, Abdurrahman Bakir, Salîz Sezgîn, Ercan Çaglayan, Mîkaîl Aslan, Celal Başlangiç, Oya Baydar, Murat Peker û Feratê DEngîzî jî beşdar bibin.
Di Komîsyona Amadekar a Fuarê de Weşanxaneya Aramê, KURDÎ-DER, Egîtîm Sen, cih digirin. Li ser navê Komîsyonê Omur Saman axivî û diyar kir ku ji bo ku balê bikişînin pêvajoya bi pevçûn a cografyaya kurdan temaya fuarê wekî "Azadî" diyar kirine.
Saman destnîşan kir ku ji ber ku TUYAP'ê par fuara pirtûkan betal kir wan Fuara Pirtûkan a Amedê dane destpêkirin û daxwazeke mezin a xwendevanên li Kurdistanê ji bo fuarê heye.
(sa)
