Mîhrîcan bi çalakiyên cur bi cur didome
STENBOL (DÎHA)- 2'yemîn Mîhrîcana Çand û Hunerê ya Kurdî ya ji aliyê NÇM'ê ve hat lidarxistin, di roja 5'emîn de jî bi helbest, fîlm, konser, dans û govendê dewam kir.
2'yemîn Mîhrîcana Çand û Hunerê ya Kurdî ya ji aliyê NÇM'ê ve hat lidarxistin, di roja 5'emîn de bi çalakiyên cur bi cur domiya. Di nav rojê de li Navenda Kuşturê ya Arzellayê belgesela "Jiyana min tim şer bû' ya bi derhêneriya Dersîm Zerevan hat çêkirin, duh hat pêşandan. Pişt re danê êvarê li Navenda Çandê ya Bajêr a Şîşliyê çalakiyên wek konser, kurtefîlm û govend hatin lidarxistin. Endama KJA'yê Sabahat Tûncel jî di nav de, gelek welatî beşdarî çalakiyan bûn.
Çalakiya ku gelek bal kêşa, bi pêşandana belgefîlma 'Uzak mi' (Ma Dûr e) dest pê kir. Piştî pêşandana belgefîlmê hunermend Hozan Mîzgîn a di 11'ê Gulana 1992'yan de jiyana xwe ji dest da hat bibîranîn û bo wê rêz hat girtin. 'Koma Jinê Sûrê' ya ji Sûrê hat jî govendên cur bi cur gerandin û piştî govendê Helbestkar Jana Seyda helbest xwendin û bala gelek kesa kêşa.
Piştî pêşandana sînevîzyona derbareyê Hozan Mizgîn de ' hunermendên Navenda Çandê ya Mezopotamyayê bi pêşnûmaya xwe yî bi navê 'Newayên Jinan' konser li dar xistin.
(red)
