NY: Bila Tirkiye hurmetê nîşanî mafên mirovan bide
NAVENDA NÛÇEYAN (DÎHA) - Neteweyên Yekbûyî (NY) têkildarî binçavkirina Hevşaredarên Bajarê Mezin ên Amedê Gultan Kişanak û Firat Anli daxuyanî dan û xwestin Tirkiye hurmetê ji mafên mirovan re bigire û li hemberî mafên mirovan rêzdar be.
Piytî Yekîtiya Ewropa û DYA'yê Tirkiye hişyar kir û xwest hurmetê nîşanî mafên mirovan bide, niha Neteweyên Yekbûyî (NY) jî daxuyanî da û Tirkiye hişyar kir. Neteweyên Yekbûyî (NY) têkildarî binçavkirina Hevşaredarên Bajarê Mezin ên Amedê Gultan Kişanak û Firat Anli daxuyanî dan û xwestin Tirkiye hurmetê ji mafên mirovan re bigire û li hemberî mafên mirovan rêzdar be. Li ser navê NY ku navenda wê li Cenewre ye Berdevkê Komîserê Bilind ê Mafên Mirovan a Neteweyên Yekbûyî Ravina Shamdasanî daxuyanî da û anî ziman ku 2 kesên bi riya demokrasiyê hatine hilbijartin hatine binçavkirin. Di demên dawî de li bajarên kurdan gelek nûnerên kurdan ji kar tên dûrxistin û li şûna wan qayûm tê tayînkirin. Ev mînaka herî dawî ye.
Shamdasani, di civînê de têkildadrî pêkanînên li Tirkiye civîna çapemeniyê pêk anî û wiha got: "Em dixwazin di serdema OHAL'ê de zagon, pîvan, mafên mirovan û hiqûqê bi bîra Tirkiye bixin. Divê hurmetê nîşanî mafên mirovan û hiqûqê bide."
(mae)
