20:41 08/10/2016 |
|
Necdet Îşozuyê li Geverê bi gulebarana wesayîta zirxî hat qetilkirin, li ser hesabê medyaya civakî peyama wî ya herî dawî gotina Shakespeare ya “Pêşî xeyal, dawiyê mirov dimirin” e.
|
20:30 08/10/2016 |
|
Li Geverê têkildarî bûyera ku 4 kes hatin kuştin û 2 kes jê jî birîndar bûn de dîmenên nû derketin holê. Di dîmenan de polîs sivîlên ku birîndaran vediguhêzin gulebaran dikin. Her wiha dîmen îdiaya walîtiyê ya “Çek qelb kir” jî derewand.
|
19:25 08/10/2016 |
|
Li Nisêbînê ji Taxa Dîcleyê ya bi têlên rêsayî hatiye dorpêçkirin 3 cenaze, li Şirnexa ku qedexe û rûxandin lê didome jî 2 cenaze hatin derxistin.
|
19:09 08/10/2016 |
|
Li Şirnexa ku qedexya derketina derve lê didome de, teqîneke mezin pêk hat..
|
18:33 08/10/2016 |
|
Dê sibê bi merasîmekê her 4 welatiyên ku li Geverê ji aliyê polîsan ve hatin qetilkirin bên definkirin.
|
16:52 08/10/2016 |
|
Cenazeyê rojnameger û edîtorê Ozgur Gundemê Mehmet Akyol, ji aliyê heval û hempîşeyên xwe ve bi girseyî hat definkirin. Hevalên wî soza berdewama têkoşîna wî dan.
|
16:38 08/10/2016 |
|
KESK, DÎSK, TMMOB, TTB û Komeleya Piştevanî û Aştiyê ya 10'ê Cotmehê daxuyaniya "bedel çi dibe bila be em ê ji têkoşîna xwe ya ked, aştî û demokrasiyê paş ve gav neavêjin" dan û diyar kirin ku ew ê di roja 10'ê Cotmehê saet 10.04'an de li Gara Trenê bin.
|
16:28 08/10/2016 |
|
Di 237'emîn a Tîpa F de li hemberî girtina televîzyon û radyoyan nerazîbûn hat nîşandan û hate gotin ku ew ê heqîqetê vebêjin.
|
16:25 08/10/2016 |
|
Welatiyên bi navê Yilmaz Elmascan, Başak Sîdar Çevîk û Nîlgun Çevîk ên di qetlîama Enqereyê de jiyana xwe ji dest dan li ser gorên xwe yên Pirsusê hatin bibîranîn.
|
16:24 08/10/2016 |
|
Parlamentera HDP'ê ya Stenbole Huda Kaya, di panela ÎHD'ê de diyar kir ku Tirkiye di şerê li Sûriyê de dikeve nava şerê Vietnamê û dê nikaribe ji nava vî şerî xwe rizgar bike. Kaya, anî ziman ku îktîdarê bi mehan berê planên darbeyê amade kiribûn û pêk tîne.
|
15:36 08/10/2016 |
|
Polîsan li Geverê 4 kes qetil kirin û 2 kes birindar kirin. Yek ji 4 kesên hatin qetilkirin Biraziyê Wekîla HDP'ê Pervîn Buldan ê 16 salî Serhat Buldan e.
|
15:24 08/10/2016 |
|
Dayika Hurşît Kulter Kerîme Kulter anî ziman ku dema pê hisiya ku kurê wê saxe ji kêfan giriya û wiha got: "Kurê min hat dîtin, lê bi hezaran winda hene. Dê lêgerîna me ya ji bo windayan bidome. "
|
15:13 08/10/2016 |
|
Xizmên windayan ên ku 400 hefte ye li Amed û Êlihê tên cem hev, aqûbet windayan pirsîn. Di çalakiya ku Selahattîn Demîrtaş peyam şand de Hevseroka Giştî ya DBP'ê Sebahat Tuncel axivî û wiha got: "Kulter 13 rojan di bin çavan de maye. Ev binçavkirin derveyî qeydê ye. Divê Tirkiye vê bibîne."
|
15:07 08/10/2016 |
|
Alîkarî û piştevaniya ji bo Geverê didome. Komeleya Rojava îro bi tiran prîketa şandin Geverê.
|
14:32 08/10/2016 |
|
Endamên Halkeviyê yên ku li ber Teşkîlata AKP'ê ya li Enqereyê rastî êrîşa polîsan hatibûn û hatibûn binçavkirin diyar kirin ku ew ê qadan neterikînin. Endaman bang li her kesî kirin ku ji bo bertekên xwe bînin ziman di salvegera qetlîama Enqereyê de li ber Gara Enqereyê bên gel hev.
|
14:21 08/10/2016 |
|
Rêxistina HDP'ê ya Îzmîrî li dijî tayînkirina qeyûman û xespkirina îradeya gel greva birçîbûna ya rojekî da destpêkirin.
|
14:15 08/10/2016 |
|
Baroya Amedê piştî Serokê wan Tahîr Elçî li Sûrê hat qetilkirin, ji bo Serokê xwe û rêveberiya xwe ji nûve hilbijêrin kongre pêk anîn. Baroyê di kongreyê de bal kişandin ser têkoşîna heq û hiqûqê ya Tahir Elçî û ew bibîr anîn.
|
13:47 08/10/2016 |
|
Dayikên Şemiyê di lêgerîna edaletê ya ji bo xizmên xwe yên hatine windakirin de di hefteya 602'yemîn de kiryarên 12 kesên li Kerboranê di 1995'an de hatin windakirin bê pirsîn. Di çalakiyê de li hemberî girtina radyo û televîzyonan jî nerazîbûn hat nîşanda û wiha hat gotin: "Dixwazin dengê me qut bikin."
|
13:47 08/10/2016 |
|
Di serdegirtina malan a li Edeneyê gelek kes hatin binçavkirin.
|
13:38 08/10/2016 |
|
Hevseroka Kongreya Civaka Demokratîk (KCD) Leyla Guven diyar kir ku polîsan li Geverê bi zanebûn gel gulebaran kirine û 4 welatî qetilkirine.
|
