12:41 26/10/2016 |
|
Girseya li ber Şaredariya Bajarê Mezin a Amedê her diçe zêde dibe. Bertek mezin dibe. Li kolana Lîse ya nêzi şaredariyê polisên rûpoş bi lêdanê 2 ciwan bi lêdanê binçavkirin.
|
12:26 26/10/2016 |
|
Hevseroka KCD'ê Lelya Guven bertek nîşanî binçavkirina Hevşaredarên Bajarên Mezin ên Amedê Gultan Kişanak û Firat Anli da û diyar kir ku ger îro bêdeng bimînin dê sibê tiştên xerabtir pêk bên. Guven, xwest ku bizanibin bêdengiya îro dê sibê rojên xerabtir bîne pêşiya wan û xwest her kes dakeve kolanan.
|
12:12 26/10/2016 |
|
Hiqûqnasan bertek nîşanî binçavkirina Hevşaredarên Bajarê Mezin a Amedê dan û diyar kirin ku binçavkirin darbeya li hemberî vîna gel e. Sekreterê Giştî yê Kolemeya Mafê Mirovan (ÎHD) Hasan Anlar, da zanîn ku binçavkirin bêhiqûqî ne. Parêzerê Komeleya Hiqûqnasên Hemdem Halîl îbrahîm Vargun jî bi lêv kir ku hemû kesên ne ji AKP'ê bin di bin darbeyê de ne.
|
12:00 26/10/2016 |
|
Hevparên HDP'ê yên Stenbolê bertek nîşanî binçavkirina Hevşaredarên Bajarên Mezin ên Amedê Gultan Kişanak û Firat Anli dan û diyar kirin ku ew dê van êrîşan pûç bikin û gel dê bi ser bikeve. Hevparên HDP'ê destnîşan kirin ku ev êrîş li dijî demokrasiyêye.
|
11:47 26/10/2016 |
|
Cîgirê Midûrê Daîreya TEM'ê ya Miduriyeta Giştî ya Polîsan Omer Uslusoy ku ferman da Miduriyeta Polîsan a Mêrdînê û bû sedema girtina Nûçegîhana me ya DÎHA'yê Meltem Oktay tayînî Şirnexê hat kirin. Midûrê ku duh li dijî nûçegîhanan kompo çêdikir îro li bajarê ku Komkujî lê pêk hat wekî midûr hat tayînkirin.
|
11:41 26/10/2016 |
|
Piştî polîsan êrîşî çalakiya li ber şaredariya Amedê kirin komek ku di nava wan Berdevka Demî ya KJA'yê Ayla Akat Ata jî heye hatin binçavkirin.
|
11:32 26/10/2016 |
|
Leşkerên ku li taxa Çelebîbag a Erdîşê malek dorpêç kirin malbat ji malê derxistin û mal dan ber agir.
|
11:28 26/10/2016 |
|
Karsazan bertek nişanî binçavkirina Hevşaredarên bajarê mezin ên Amedê Gultan Kişanak û Firat Anlî dan û diyar kirin ku tunekirina vîna gel nayê qebûlkirin.
|
11:18 26/10/2016 |
|
Gelê ku li ber şaredariya Amedê sekna xwe didomînin, ligel êrîşa polîsan li ber deriyê şaredariyê venaqetin. Polîsan bi copan 3 parlamenterên HDP'ê derp kirin.
|
11:08 26/10/2016 |
|
Nûnerên partiyên çepgir û sosyalîst, bertke nîşanî binçavkirina Hevşaredarên Amedê Gultan Kişanak û Firat Anli dan û diyar kirin ku AKP dixwaze şerê navxweyî derxine û banga li dijî faşîzmê li berxwe bidin kirin.
|
10:51 26/10/2016 |
|
Li Rihayê endamê MYK'ê yê HDP'ê Mahmut Çelîk şevê din hat binçavkirin.
|
10:47 26/10/2016 |
|
Bomberbarana li herêma Mistan û Murtazan ên navçeya Darahênê ya Çewligê ku şevê din destpêkirin heta serê sibê berdewam kir.
|
10:34 26/10/2016 |
|
Li Geverê di saetên şevê de sewqiyata cebilxaneyan hat kirin.
|
10:33 26/10/2016 |
|
Hemû riyên ku diçin Walîtiya Amedê ji aliyê polîsan ve hatin girtin û bi sedan polîs li ber avahiya walîtiya hatin bicihkirin.
|
10:22 26/10/2016 |
|
Polîsan êrîşî welatiyên li ber şaredariyê kombûne û xwedî li vîna xwe derketin kirin.
|
09:55 26/10/2016 |
|
Şaredariya ku bi bariyerên hesin hat dorpêçkirin bi awayekî fîîlî qeyûm hat tayînkirin. Di navabera polîs û xebatkarên şaredariyê yên serdegirtin û binçavkirina şermezar kirin pevçûn hat jiyîn. Rawestîna xebatkaran a li ber şaredariyê didi-ome.
|
09:16 26/10/2016 |
|
Li aliyekî cîhanê 36 welat li dijî DAÎŞ'ê bûne yek û koalîsyon ava kirine, lê têk nabin, li aliyê din kurd li dijî êrîşên DAIŞ'ê xwe di parêzin û êrîşên DAIŞ'ê dişkînin. Berxwedana kurdan a li hemberî DAIŞ'ê bala cîhanê dikişîne. Kurd hem bi şerê xwe hem jî bi projeyênk xwe yên alternatif yên li hemberî DAIŞ'ê balê dikişîne ser xwe. Bi bîrdozî û felsefeya xwe balê dikişîne. Şerê 36 welatan a li dijî DAIŞ'ê pirsa çima DAIŞ têk naçe tîne aqilan.
|
09:14 26/10/2016 |
|
Xebatkarên Şaredariya Bajarê Mezin a Amedê ku ji şevê din ve ji aliyê polîsan ve hatiye dorpêçkirin dema li ber avahiya şaredariyê kombûn rastî êrîşa polîsan hatin.
|
09:12 26/10/2016 |
|
Zarokê 13 salî Enes Akdenîz ê ji Taxa Kanîka bertek nîşanî rayedarên dewletê da û wiha got: "Wek hûn jî dibînin xaniyê me li ber çavên me xera dikin. Zarokatiya min li vê tax û van kolanan derbas bû. Ev çi edalet e? Divê em ji vê zilmê re bêjin êdî bes e."
|
09:12 26/10/2016 |
|
Li Nisêbîna Mêrdînê Mem Arîn Algel ê ku li Pirtûfiroşa Bênavê dixebite dest nîşan kir ku, ji ber ‘qedexeya derketina derve’ danûstendina pirtûkan pir kêm bûye.
|
